Mga Retrato ni Anna Glinoga.
Isa itong tangka sa pagpapalutang muli ng mga imahen mula sa matandang ilog na ito ng Filipinas. Ginamit ang tubig ng ilog sa reproduksiyon ng imahen upang magpugay sa katutubong nakaraan katuwang ang pagyakap sa paglikha ng imahen. Hindi lamang tinatawag muli rito ang nawawalang anito ng mga Tagalog na si Amansinaya, kundi ang mga táong namumuhay sa piling ng ilog. Sa likhang ito, kinikilala ang mga anitong namumuhay pa rin nang marangal sa loob nila sa harap ng mga tanawin ng kapabayaan at pagkaganid dulot ng mga nagsasamantala.
Diwatáhan 